【不愛你的時候，你呼吸都是錯】
基於尋日果單港女覺得男人打包太丟臉
我就咁睇既⋯⋯
//
尋日網上流傳，有個港女同男朋友出去食飯，男仔將女仔食淨一半嘅飯餸打包，叫女仔聽日返工食。於是女仔喺網上論壇圖文並茂數落個男仔好Cheap好失禮！
睇完我都想高呼：「分手啦！」但係，係同個男仔講。喺呢個周圍都係大嘥鬼嘅年代，有個男仔好似清泉一樣珍惜食物，我會覺得呢個係一個有教養有家教嘅好男仔。而珍惜食物本來就係一個優點，能夠將呢個優點睇做成缺點嘅，一定係一個唔愛你嘅女生！而且仲影埋相放上網公審你嘅，就更加係一個好唔愛你嘅女生。
如果咁普通嘅價值觀都南轅北徹嘅話，去到大是大非仲點溝通。我哋好難搵一個同自己價值觀完全相同嘅另一半，但係愛一個人應該學識接受同欣賞，如果對方係做緊一件好事嘅時候，更加應該鼓勵。不過似乎事件中嘅女朋友眼中只有自己，只係在乎別人點睇自己，只係介意對方有無令自己失禮。
其實，每次見到嗰啲食淨成檯餸就走嘅人，我覺得仲失禮。唔珍惜食物唔珍惜你嘅好嘅女仔，要來做咩？男仔太心痛廚餘，所以先同你一齊吧～
原文：http://bit.ly/2hX1ZHg
/
ig: hkgirlfriend
港女友 Hong Kong Girlfriend.
Search